Ay si yo tuviera un guerto,
una cachu casa,
una segureja o un sachu vieju,
una mula torda,
y una bota de vinu de pitarra,
que feli seria,
y que alegria tendria mi cuerpu.
Ay si yo me casara,
con la gija del taberneru,
con tantan tierras que tienin,
viviria en mi reinu,
pues la moza es muy guapa,
y la quieri el pueblu enteru.
Y si esa moza no ma quieri,
la gija del plasticante o el maestru,
que aunqui no son tan guapas,
ami nu me impota esu,
yo trabajaria la tierra,
pa que no faltasi el dineru.
Yo siempri je siu mu pobli,
pero trabajao como el primeru,
no se me caen lo anillus,
siempri je siu jornaleru,
y nadie me va ja enseña,
comu se trabaja, en los olivares y en los guertus.
Ay si yo tuviera un guerto,
una cachu casa,
una segureja o un sachu vieju,
una mula torda,
y una bota de vinu de pitarra,
que feli seria,
y que alegria tendria mi cuerpu.
No hay comentarios:
Publicar un comentario